ირანში მთავრობის საწინააღმდეგო აქციების მიმდინარეობის ფონზე, ქვეყანაში ინტერნეტი მე-5 დღეა, გათიშულია. 

ინტერნეტკავშირის მონაცემები აჩვენებს, რომ 8 იანვრიდან ინტერნეტის გამოყენება ნორმალური ტრაფიკის 1%-მდე შემცირდა.

კიბერუსაფრთხოების ზედამხედველობის ორგანო NetBlocks-ის ცნობით, ირანში ინტერნეტი უკვე მე-5 დღეა, თითქმის სრულად გათიშულია, რადგან ხელისუფლება საპროტესტო აქციებს ახშობს. 

CNN-ის ცნობით, 13 იანვრის დილას, როგორც ჩანს, სატელეფონო კავშირი ნაწილობრივ აღდგა, ზოგიერთმა აბონენტმა გასულ კვირას დაწყებული გათიშვის შემდეგ პირველად შეძლო საზღვარგარეთ დარეკვა.

NetBlocks-ის დირექტორმა ალპ ტოკერმა CNN-ს განუცხადა: „ეროვნული მასშტაბით ელექტროენერგიის გათიშვა, როგორც წესი, რეჟიმის მთავარი სტრატეგიაა, როდესაც მომიტინგეების წინააღმდეგ სასიკვდილო ძალის გამოყენებას აპირებენ, რომლის მიზანია ადგილზე მიმდინარე მოვლენების შესახებ ინფორმაციის გავრცელების თავიდან აცილება და ასევე საერთაშორისო კონტროლის შეზღუდვა“.

აშშ-ში დაფუძნებული ადამიანის უფლებათა დამცველი ორგანიზაციის საინფორმაციო სააგენტოს (HRANA-ს) მონაცემებით, დაღუპულია სულ მცირე 1850 მომიტინგე, სულ მცირე 16784 კი დააკავეს.