1794400211
უცხოეთი
ირანის უშიშროების საბჭოს მდივანი: ირანი გამდიდრებული ბირთვული მასალის ქვეყნიდან გატანას არ დაუშვებს
ირანი გამდიდრებული ბირთვული მასალის ქვეყნიდან გატანას არ დაუშვებს და მას თავად გამოიყენებს, - ამის შესახებ ირანის ეროვნული უშიშროების უმაღლესი საბჭოს მდივანმა მოჰსენ რეზაიმ განაცხადა.
„ჩვენ ვაცნობეთ ჩვენს რუს მეგობრებს, რომ გამდიდრებული მასალა ირანში დარჩება და ჩვენ თვითონ გამოვიყენებთ მას“, - აღნიშნა რეზაიმ.
მისი თქმით, ირანს გამდიდრებული მასალა ბირთვული ძრავით აღჭურვილი გემებისა და წყალქვეშა ნავების დასაპროექტებლად სჭირდება.
რეზაიმ, ასევე, განაცხადა, რომ აშშ-ის ნებისმიერი ახალი თავდასხმა ირანს აიძულებს, მიზანში ამოიღოს ამერიკული სამხედრო ბაზები.
მისი თქმით, ომის დასრულება ყველა ფრონტზე, განსაკუთრებით ლიბანში, ირანის ერთ-ერთი მიზანია.
