ირანის საგარეო საქმეთა სამინისტრო აცხადებს, რომ საუდის არაბეთს, თურქეთსა და პაკისტანს შორის გასულ კვირას ხელმოწერილი თავდაცვის პაქტი რეგიონის ქვეყნების მიერ შეერთებული შტატების მიმართ „აღქმის ცვლილების ნიშანია“.

„რეგიონის ქვეყნებმა გააცნობიერეს, რომ უსაფრთხოება არ არის საქონელი, რომლის ყიდვაც ცრუ შუამავლებისგან არის შესაძლებელი“, - განაცხადა სამინისტროს წარმომადგენელმა ესმაილ ბაგაიმ ყოველკვირეულ პრესკონფერენციაზე, რითაც მიანიშნა შეერთებულ შტატებზე, რომელიც პაქტის სამივე ხელმომწერი ქვეყნის მოკავშირეა.

ბაგაის თქმით, ირანს არ აქვს შეშფოთების საფუძველი, რომ უსაფრთხოების პაქტი თეირანის წინააღმდეგაა მიმართული.

„ნებისმიერ გეგმას, რომელიც რეგიონის გეოპოლიტიკურ და ისტორიულ რეალობებს ეფუძნება, ყოვლისმომცველი და ინკლუზიურია და სწორად განსაზღვრავს მტერს და საფრთხეს, აქვს შანსი, ხელი შეუწყოს უსაფრთხოების განმტკიცებას და თავიდან აიცილოს არასტაბილურობა და ძალადობა სიონისტი მტრისა და მისი მოკავშირეების მხრიდან“, - დასძინა მან.