ირანის პრეზიდენტი მასუდ პეზეშკიანი აცხადებს, რომ ქვეყნის უზენაეს ლიდერზე, აიათოლა ალი ხამენეიზე ნებისმიერი თავდასხმა ომის გამოცხადებას ნიშნავს.

„ირანის ხალხი ცხოვრებაში გაჭირვებასა და სირთულეებს თუ აწყდება, ამის ერთ-ერთი მთავარი მიზეზი დიდი ხნის მტრობა და შეერთებული შტატების მთავრობისა და მისი მოკავშირეების მიერ დაწესებული არაადამიანური სანქციებია. ჩვენი ქვეყნის უზენაესი ლიდერის წინააღმდეგ ნებისმიერი აგრესია ირანელი ხალხის წინააღმდეგ სრულმასშტაბიანი ომის ტოლფასია“, - აცხადებს ირანის პრეზიდენტი.

ეს განცხადება გაკეთდა მას შემდეგ, რაც აშშ-ის პრეზიდენტმა დონალდ ტრამპმა Politico-სთან ინტერვიუში ხამენეის „ავადმყოფი“ უწოდა და განაცხადა: „დროა ირანში ახალი ლიდერები ვეძებოთ“.

როგორც ჩანს, ეს პირველი შემთხვევა იყო, როდესაც ტრამპმა ირანში ხამენეის მმართველობის დასრულებისკენ მოუწოდა.

თავის პოსტში პეზეშკიანი აშშ-ს და მის მოკავშირეებს ადანაშაულებს ირანში შექმნილ ვითარებაში. 

اگر سختی و تنگنایی در زندگی مردم عزیز #ایران وجود دارد، یکی از عوامل اصلی آن دشمنی دیرینه و تحریم‌های غیرانسانی دولت امریکا و هم‌پیمانان اوست.
تعرض به رهبری معظم کشورمان به‌منزله جنگ تمام عیار با ملت ایران است.

— Masoud Pezeshkian (@drpezeshkian) January 18, 2026