1714470464
უცხოეთი
ინდონეზიაში ვულკანის ამოფრქვევის შედეგად 12 000-ზე მეტი ადამიანის ევაკუაცია განხორციელდა - Reuters
ინდონეზიაში ვულკან რუანგის ამოფრქვევის გამო ხელისუფლებამ ახლომდებარე კუნძულზე მცხოვრები 12 000-ზე მეტი ადამიანის ევაკუაცია განახორციელა. ინფორმაციას Reuters-ი ავრცელებს.
ვულკანოლოგიისა და გეოლოგიური საფრთხის შემცირების ცენტრმა კუნძულ ტაგულანდანგის მცხოვრებლები გააფრთხილა, რომ ვულკანური მასალის ოკეანეში ჩავარდნამ შესაძლოა, ცუნამი გამოიწვიოს.
ინდონეზიის სტიქიური უბედურებების სააგენტოს ცნობით, კუნძულ რუანგაზე მყოფი 843 ადამიანი, რომლებიც უშუალოდ ვულკანთან ცხოვრობდნენ, უსაფრთხო ადგილას უკვე გადაიყვანეს.
უსაფრთხოების მიზნით ხელისუფლებამ მანადოს აეროპორტის მუშაობა დროებით შეაჩერა.
ინდონეზია წყნარი ოკეანის მაღალი სეისმური აქტივობის ზონას მიეკუთვნება.
