აშშ-ის სურსათის და წამლის ადმინისტრაციამ (FDA) პრეპარატი ლენაკაპავირი დაამტკიცა, რომელიც სავაჭრო ნიშნით, Yeztugo-ს სახელით არის ცნობილი, ამ კლასის პრეპარატები ცნობილია, როგორც კაპსიდის ინჰიბიტორები, რომლებიც ადამიანის იმუნოდეფიციტის ვირუსისგან (HIV) პრაქტიკულად 100%-იან დაცვას უზრუნველყოფს. ეს ვირუსი ყოველწლიურად 1,3, მლნ ადამიანს უფიქსირდება. ინფორმაციას newatlas.com ავრცელებს.

2024 წელს ჟურნალმა Science-მა ლენაკაპავირს წლის მნიშვნელოვანი გამოგონება უწოდა. პროფილაქტიკის შედეგად, ადამიანი სქესობრივი გზით ვირუსის გადადებისგან 99%-ით არის დაცული.

ადამიანის იმუნოდეფიციტის ვირუსი ცილოვან გარსს წარმოადგენს, რომელიც ვირუსის გენეტიკურ მასალას იცავს და ადამიანის უჯრედში მისი ტრანსპორტირებისას საკვანძო როლს თამაშობს. ადამიანის უჯრედში მოხვედრის შემდეგ, ვირუსი ცილოვან გარსს იშორებს და თვითკოპირებას იწყებს. ლენაკაპავირი ამ პროცესს აფერხებს.

შიდსის ეპიდემია მსოფლიოში 44 წლის წინ დაიწყო. ახალმა პრეპარატმა მას, შესაძლოა, ბოლო მოუღოს და მსოფლიოში მილიონობით სიცოცხლე გადაარჩინოს. ამისთვის წელიწადში სულ ორი ინიექციის გაკეთებაა აუცილებელი. ამ პრეპარატზე წვდომა აშშ-ის ფარგლებს მიღმაც იქნება, მათ შორის ბრაზილიაში, კანადაში, სამხრეთ აფრიკაში, ავსტრალიასა და შვეიცარიაში. ამისთვის ექვს მწარმოებელთან შეთანხმება უკვე გაფორმებულია.