აზერბაიჯანის პრეზიდენტმა ილჰამ ალიევმა ბაქოში, საერთაშორისო კონფერენციების მონაწილეებთან შეხვედრაზე, ევროპულ ორგანიზაციებში ქვეყნის გამოცდილებაზე ისაუბრა.

„აზერბაიჯანი იმ მცირერიცხოვან მუსლიმურ ქვეყნებს შორის ერთ-ერთია, რომელიც ევროპულ ორგანიზაციებში მონაწილეობს. შესაბამისად, ჩვენ ვიცით, რა ხდება იქ“, - განაცხადა ალიევმა.

სახელმწიფოს მეთაურმა ხაზი გაუსვა, რომ ევროპის საბჭოს წევრობისას ქვეყანა არაერთხელ წააწყდა უსამართლობას.

„როგორც ევროპის საბჭოს წევრი, ჩვენ წავაწყდით ამ უსამართლობას, ახლაც ვაწყდებით და, სავარაუდოდ, მომავალშიც წავაწყდებით“, - აღნიშნა პრეზიდენტმა და დასძინა, რომ აზერბაიჯანის წინააღმდეგ მიმართული გამოუცხადებელი ცილისმწამებლური კამპანია არასდროს შეჩერდება.

„რატომ? იმიტომ, რომ არავის დავემორჩილებით - არც ახლა და არც მომავალში. ჩვენ ღიად ვაფიქსირებთ ჩვენს პოზიციას, ვიცავთ ეროვნულ ღირსებასა და ცხოვრების წესს“, - განაცხადა ილჰამ ალიევმა.