„ჰამასის“ წარმომადგენლები: „ჰამასის“ დელეგაცია კაიროში ეგვიპტელ შუამავლებს შეხვდება
„ჰამასის“ ორი წარმომადგენლის ცნობით, „ჰამასის“ დელეგაცია კაიროში ეგვიპტელ შუამავლებთან მოლაპარაკებებს გამართავს, რათა განიხილონ ისრაელის მიერ ღაზაში ცეცხლის შეწყვეტის შესახებ შეთანხმების სავარაუდო დარღვევები.
„დელეგაცია კვირა დილით ეგვიპტის ოფიციალურ პირებს შეხვდება, რათა განიხილონ ისრაელის მიერ დარღვევების შეჩერება და შეთანხმების პირველი ფაზის დარჩენილი დებულებების განხორციელება“, - განუცხადა AFP-ს „ჰამასის“ წარმომადგენელმა, რომელმაც ანონიმურობის პირობით ისაუბრა, რადგან მას საჯაროდ საუბრის უფლება არ ჰქონდა.
ოფიციალური პირის თქმით, „ჰამასი“ ხაზს გაუსვამს ღაზაში სამხედრო პოზიციების დემონტაჟის, სასაზღვრო გადასასვლელების სრულად გახსნის, მოგზაურთა ნაკადის გაზრდისა და ტერიტორიაზე ჰუმანიტარული დახმარების უფრო დიდი მოცულობის შეყვანის აუცილებლობას.
„ჰამასის“ მეორე წარმომადგენელი დასძენს, რომ „ჰამასის“ დელეგაცია კაიროში სხვა პალესტინის ფრაქციების წარმომადგენლებსაც შეხვდება ამ საკითხების განსახილველად.
