პალესტინური ტერორისტული ორგანიზაცია „ჰამასი“ მიესალმა შეერთებულ შტატებსა და ირანს შორის მიღწეულ შეთანხმებას და იმედოვნებს, რომ ეს ხელს შეუწყობს ღაზის სექტორში ძალადობის დასრულებას.

ისრაელი და „ჰამასი“ თითქმის ყოველდღიურად ადანაშაულებენ ერთმანეთს ზავის დარღვევაში, ხოლო ღაზის სექტორში სისხლისმღვრელი ომი კვლავ გრძელდება. ომის საბოლოოდ დასრულების მიმართულებით პროგრესი კვლავ შეფერხებულია, მათ შორის „ჰამასის“ მხრიდან განიარაღებაზე უარის თქმის გამო.

განცხადებაში „ჰამასი“ აღნიშნავს, რომ „მიესალმება ირანსა და შეერთებულ შტატებს შორის ურთიერთგაგების მემორანდუმის შესახებ გამოცხადებულ შეთანხმებას“.

„ვიმედოვნებთ, რომ ეს შეთანხმება იქნება ნაბიჯი რეგიონული სტაბილურობის გაძლიერებისკენ და დადებითად აისახება სხვადასხვა რეგიონულ საკითხზე, უპირველეს ყოვლისა კი ჩვენი პალესტინელი ხალხის წინააღმდეგ ღაზის სექტორში მიმდინარე სიონისტური აგრესიის დაუყოვნებლივ შეწყვეტაზე, ასევე, ლიბანისა და სხვა ფრონტების წინააღმდეგ განმეორებითი თავდასხმებისა და დარღვევების დასრულებაზე“, - ნათქვამია განცხადებაში.