გერმანიის საგარეო საქმეთა მინისტრი იოჰან ვადეფული ირანელ კოლეგა აბას არაღჩის ტელეფონით ესაუბრა.

როგორც ვადეფულმა სოციალურ ქსელ X-ზე დაწერა, მან ირანელ კოლეგასთან საუბრისას ხაზი გაუსვა, რომ ბერლინი და ვაშინგტონი „ერთსა და იმავე მიზანს“ იზიარებენ.

ამასთან, ვადეფულმა ხაზგასმით აღნიშნა, რომ ბერლინი მხარს უჭერს მოლაპარაკებების გზით მიღწეულ გადაწყვეტას.

„როგორც აშშ-ის ახლო მოკავშირე, ჩვენ ერთი და იგივე მიზანი გვაქვს: ირანმა სრულად და დადასტურებულად  უნდა თქვას უარი ბირთვულ იარაღზე და დაუყოვნებლივ გახსნას ჰორმუზის სრუტე, როგორც ამას აშშ-ის სახელმწიფო მდივანი მარკო რუბიო ითხოვს“, - დაწერა ვადეფულმა.

აღსანიშნავია, რომ იოჰან ვადეფულის ეს განცხადება ვრცელდება აშშ-ის პრეზიდენტის დონალდ ტრამპის განცხადების ფონზე, რომ აშშ გერმანიიდან 5000-ზე მეტი ამერიკელი ჯარისკაცის გაყვანას გეგმავს.

Im Telefonat mit @araghchi habe ich unterstrichen: 🇩🇪 unterstützt eine Verhandlungslösung. Als enger US-Verbündeter teilen wir das gleiche Ziel: Iran muss vollständig & nachprüfbar auf Kernwaffen verzichten & die Straße von Hormus sofort freigeben, wie es auch @SecRubio fordert.

— Johann Wadephul (@AussenMinDE) May 3, 2026