1759692964
უცხოეთი
გერმანიის საგარეო საქმეთა მინისტრი: ღაზასთან დაკავშირებით პრეზიდენტ ტრამპის გეგმაზე უკეთესი გეგმა არ არსებობს
გერმანიის საგარეო საქმეთა მინისტრმა იოჰან ვადეფულმა, კატარელ კოლეგებთან შეხვედრების შემდეგ, ოპტიმიზმი გამოთქვა ცეცხლის შეწყვეტის და ღაზაში მძევლების გათავისუფლების შანსებთან დაკავშირებით.
როგორც გერმანელმა დიპლომატმა განაცხადა, აშშ-ის პრეზიდენტის, დონალდ ტრამპის მიერ წარდგენილი 20-პუნქტიანი გეგმა თითქმის ორწლიანი ომის დასრულების შემდეგ გარღვევის მიღწევის საუკეთესო შესაძლო ვარიანტს წარმოადგენს.
„ღაზასთან დაკავშირებით პრეზიდენტ ტრამპის გეგმაზე უკეთესი გეგმა არ არსებობს. ყველაფერი შესაძლებელია, ყველაფერი მიღწევადია, მაგრამ წინ ბევრი რთული მოლაპარაკება გველის“, - განუცხადა მან ჟურნალისტებს.
