1781961063
უცხოეთი
გერმანიის ქიმიურ ქარხანაში მომწამლავი აირის გაჟონვის შედეგად 25 ადამიანი დაშავდა
25 ადამიანი დაშავდა გერმანიის ჩრდილოეთ რაინ-ვესტფალიის რეგიონში, სადაც ქიმიურ ქარხანაში ფოსგენის შემცველი აირის გაჟონვა მოხდა. ამის შესახებ Deutche Welle იუწყება.
კომპანია Chempark-ის ცნობით, მას შემდეგ რაც მომწამვლელმა აირმა გაჟონა, დამცავი სისტემა ჩაირთო. ამჟამად პოლიცია გამოძიებას აწარმოებს.
ფოსგენის გასანეიტრალებლად ამიაკი იყო გამოყენებული, რამაც მისი გაჟონვა შეაჩერა. ფოსგენი პესტიციდებისა და ფარმაცევტული პრეპარატების საწარმოებლად გამოიყენება. ეს არის უფერული, მაღალტოქსიკური აირი, რომელიც მხოლოდ ჰერმეტულ ჭურჭელში ინახება.
ინციდენტის გამო გარკვეული დროით ქუჩა და რამდენიმე საცხოვრებელი კვარტალი გადაიკეტა.
