1771746692
უცხოეთი
გერმანიის კანცლერი აცხადებს, რომ „დათმობა მშვიდობას არ მოიტანს“
გერმანიის კანცლერმა ფრიდრიხ მერცმა კიდევ ერთხელ დაადასტურა გერმანიის მტკიცე და უპირობო მხარდაჭერა უკრაინისადმი. ამის შესახებ მან ქრისტიანულ-დემოკრატიული კავშირის ყრილობაზე განაცხადა.
„ჩვენ უკრაინელ ხალხს გვერდში ვუდგავართ ყოველგვარი „მაგრამ“-ისა და „თუ“-ს გარეშე. ჩვენ არასდროს შევეგუებით იმას, თუ როგორ აწარმოებს რუსეთი სისტემატურ ომს ამ ქვეყნის მოსახლეობის წინააღმდეგ, მოხუცების, ქალებისა და ბავშვების წინააღმდეგ“, – განაცხადა კანცლერმა.
მისი თქმით, რუსეთის ომი უკრაინის წინააღმდეგ ღირებულებებისა და გადაწყვეტილების გამოცდაა.
მერცმა მოუწოდა ხალხს, რომ გაიხსენონ ისტორიული გაკვეთილები.
„დათმობა მშვიდობას არ ქმნის. ის მხოლოდ აგრესორს მატებს გამბედაობას. დღევანდელი გულუბრყვილო პაციფიზმი ხვალინდელ ომებს კვებავს“, – აღნიშნა მერცმა.
