1784712267
უცხოეთი
გერმანიის ერთ-ერთ ციხეში პატიმართა შესაძლო ამბოხის საფრთხის გამო სპეცოპერაცია ჩატარდა
„გერმანიაში ქალაქ ზიგბურგის ციხეში, პატიმართა შესაძლო ამბოხის მზადების შესახებ მიღებული შეტყობინებების შემდეგ, მასშტაბური სპეცოპერაცია ჩატარდა“, - აღნიშნულის შესახებ Spiegel-ი იტყობინება.
ჩრდილოეთ რაინ-ვესტფალიის იუსტიციის უწყების ცნობით, ამჟამად სიტუაცია კონტროლს ექვემდებარება. ოპერაციის ჩატარების მიზეზი ერთ-ერთი მსჯავრდებულის მიერ მიწოდებული ინფორმაცია გახდა.
სპეცოპერაციაში დაახლოებით 100 სამართალდამცველი მონაწილეობდა.
პოლიციამ დაწესებულების ტერიტორიაზე მიღებული მონაცემების შესამოწმებლად და შესაძლო აკრძალული საგნების გამოსავლენად ჩხრეკა ჩაატარა.
ჩრდილოეთ რაინ-ვესტფალიის იუსტიციის მინისტრმა ბენჯამინ ლიმბახმა აღნიშნა, რომ პენიტენციურ დაწესებულებებში ძალადობის ნებისმიერი სახის საფრთხე მიუღებელია.
