1793987292
უცხოეთი
გერმანიაში მცირე ზომის თვითმფრინავი ავტომაგისტრალზე ჩამოვარდა - დაიღუპა ორი ადამიანი
გერმანიაში, მაგდებურგის ჩრდილო-აღმოსავლეთით მცირე ზომის თვითმფრინავი A2 ავტომაგისტრალზე ჩამოვარდა, რის შედეგადაც ბორტზე მყოფი ორი ადამიანი დაიღუპა. ინფორმაციას Deutsche Welle ავრცელებს.
ავიაკატასტროფის გამო გერმანიის ერთ-ერთ მთავარ, აღმოსავლეთ-დასავლეთის მიმართულების მაგისტრალზე ჰანოვერისკენ მიმავალი ყველა ხაზი ჩაიკეტა. მაგდებურგის პოლიციის განცხადებით, პირველადი მონაცემებით, ინციდენტში საგზაო სატრანსპორტო საშუალებები არ მონაწილეობდნენ.
საჰაერო ხომალდი ადგილობრივი დროით დაახლოებით 14:48 საათზე ჩამოვარდა ქალაქ ბურგსა და ავტომაგისტრალთან მდებარე „კრაჰენბერგეს“ დასასვენებელ ზონას შორის.
ავარიის გამომწვევი მიზეზი ჯერჯერობით უცნობია.
