1745057636
უცხოეთი
გერმანიაში, ერთ-ერთ სუპერმარკეტთან ცივი იარაღით 2 ადამიანი დაჭრეს
გერმანიაში, ქალაქ როხლიცში სუპერმარკეტთან დანით თავდასხმა მოხდა, რის შედეგადაც ორი ადამიანი დაშავდა. ამის შესახებ DW იტყობინება.
პოლიციის ცნობით, ეჭვმიტანილმა სუპერმარკეტიდან გამოსული 59 წლის ქალი დანით დაჭრა. თავდამსხმელმა ქალის დასახმარებლად მისული სუპერმარკეტის თანამშრომელიც დაჭრა.
თავდამსხმელმა დაკავებისას სამართალდამცველებს წინააღმდეგობა გაუწია.
ორივე დაზარალებული სამედიცინო დახმარებისთვის საავადმყოფოში გადაიყვანეს. მათი მდგომარეობა სტაბილურია.
პოლიციამ მომხდარზე გამოძიება დაიწყო. უცნობია დანაშაულის მოტივი.
