1756492159
უცხოეთი
FT: ტრამპი ომის შემდგომ უკრაინაში ჩინელი ჯარისკაცების მშვიდობისმყოფელებად გაგზავნის წინადადებით გამოვიდა
აშშ-ის პრეზიდენტი დონალდ ტრამპი რუსეთის სრულმასშტაბიანი აგრესიის დასრულების შემდეგ უკრაინაში ჩინელი ჯარისკაცების მშვიდობისმყოფელებად გაგზავნის წინადადებით გამოვიდა, - ამის შესახებ Financial Times-მა ოთხი ინფორმირებული წყაროსგან შეიტყო.
„FT“-ის ცნობით, გასულ კვირას თეთრ სახლში ევროპელ ლიდერებთან შეხვედრისას, ტრამპმა მათ შესთავაზა რუსეთთან სამშვიდობო შეთანხმების ფარგლებში უკრაინაში 1 300 კილომეტრიანი ფრონტის ხაზის გასწვრივ ნეიტრალური ზონის მონიტორინგისთვის ჩინელი სამშვიდობო ძალების გაგზავნა.
ამავდროულად, აშშ-ის პრეზიდენტის ადმინისტრაციის ანონიმურმა მაღალჩინოსანმა ამ ინფორმაციას „სიცრუე“ უწოდა და დასძინა, რომ ამ შეხვედრაზე „ჩინელი მშვიდობისმყოფელების შესახებ არანაირი განხილვა არ ყოფილა“.
