ახლო აღმოსავლეთის საკითხზე „დიდი შვიდეულის“ ლიდერების სატელეფონო კონფერენციაში მონაწილეობის შემდეგ ევროპული საბჭოს პრეზიდენტმა ანტონიო კოშტამ განაცხადა, რომ რუსეთის წინააღმდეგ სანქციები ახლა არ უნდა შემსუბუქდეს. ამის შესახებ კოშტამ სოციალურ ქსელ X-ზე დაწერა.

მან აღნიშნა, რომ G7-ის ქვეყნები ორიენტირებულნი არიან ირანსა და მთლიანად ახლო აღმოსავლეთში არსებული სიტუაციის უსაფრთხოებასა და გლობალურ ენერგეტიკულ ბაზარზე გავლენის მინიმუმამდე დაყვანაზე.

კოშტამ ხაზგასმით აღნიშნა, რომ პრიორიტეტი ჰორმუზის სრუტის გავლით გადაზიდვების უზრუნველყოფაა და რომ ნავთობის ფასებზე ლიმიტის დაწესება ხელს შეუწყობს ბაზრების სტაბილიზაციას და რუსეთის შემოსავლების შეზღუდვას.

„ახლა რუსეთის წინააღმდეგ სანქციების შემსუბუქების დრო არ არის“, - განაცხადა ევროპული საბჭოს პრეზიდენტმა.

Thank you @EmmanuelMacron for organising a call with G7 partners to discuss a coordinated response to the concerning situation in Iran and the Middle East.

We are focused on minimising the impact on security and the global energy market.

President @vonderleyen and I recalled…

— António Costa (@eucopresident) March 11, 2026