1768932857
უცხოეთი
ევროპარლამენტი ევროკავშირსა და აშშ-ს შორის სავაჭრო შეთანხმების რატიფიკაციის პროცესს აჩერებს - Le Monde
ევროპარლამენტი ევროკავშირსა და შეერთებულ შტატებს შორის სავაჭრო შეთანხმების რატიფიკაციის პროცესს აჩერებს. ამის შესახებ ინფორმაციას Le Monde ავრცელებს.
აშშ-სა და ევროკავშირს შორის სავაჭრო შეთანხმება გასული წლის ივლისში, რამდენიმეთვიანი დაძაბულობის შემდეგ დაიდო.
ამასთან, საფრანგეთის საგარეო საქმეთა მინისტრმა ჟან-ნოელ ბარომ განაცხადა, რომ საფრანგეთი მხარს უჭერს ევროპარლამენტის პოზიციას, რომლის მიხედვითაც აშშ-ის პრეზიდენტ დონალდ ტრამპის მუქარის ფონზე ევროკავშირსა და აშშ-ს შორის სავაჭრო შეთანხმება შეჩერდეს.
ბარომ განაცხადა, რომ საფრანგეთი არ აპირებს დონალდ ტრამპის სატარიფო შანტაჟს დაემორჩილოს.
„საფრანგეთი მხარს უჭერს აშშ-სთან სავაჭრო შეთანხმების შეჩერებას“, - აცხადებს საფრანგეთის საგარეო საქმეთა მინისტრი.
