ევროკავშირმა სტივენ სიგალს, შესაძლოა, სანქციები დაუწესოს, რადგან ის პუტინის ინაუგურაციაზე იმყოფებოდა - EUobserver
„სანქციების ახალი ანტირუსული პაკეტის ფარგლებში, ევროკავშირი გეგმავს შეზღუდვების დაწესებას მსახიობ სტივენ სიგალის წინააღმდეგ, რომელიც კრემლის ლიდერის მიმართ პოლიტიკური სიმპათიებით გამოირჩევა“, - ამის შესახებ EUobserver-ი იტყობინება.
გამოცემა წერს, რომ რუსეთის წინააღმდეგ სანქციების მე-14 პაკეტი დააზარალებს მათ, ვინც ევროკავშირში პროპაგანდას ავრცელებს და ევროპარლამენტის წევრების მოსყიდვას ცდილობს.
„პუტინის ინაუგურაციაზე დამსწრე სტივენ სიგალის წინააღმდეგ პირადი სანქციების შემოღება იგეგმება“, - წერს გამოცემა.
ევროკავშირის წარმომადგენელმა მედიასაშუალებას განუცხადა, რომ სიგალის წინააღმდეგ სანქციების დაწესება შესაძლებელია, თუ არსებობს „მყარი მტკიცებულება“ იმისა, რომ მსახიობის ქმედებები ზიანს აყენებს უკრაინას.
შეგახსენებთ, 7 მაისს კრემლის დიდ სასახლეში პუტინის რიგით მე-5 ინაუგურაცია გაიმართა.
