ევროკომისიამ სოციალურ ქსელ X-ში განცხადება გაავრცელა, რომლის თანახმადაც, ის სოციალურ ქსელ Tik Tok-ის წინააღმდეგ საქმის წარმოებას იწყებს.

„დღეს ჩვენ ოფიციალურად დავიწყეთ საქმის წარმოება Tik Tok-ის წინააღმდეგ ციფრული მომსახურების კანონის დარღვევის ბრალდებით, კერძოდ მისი ვალდებულების სისტემური რისკების შეფასებისა და მინიმიზაციის უგულებელყოფის გამო, რომელიც არჩევნების სამართლიანობას, განსაკუთრებით რუმინეთში გამართულ საპრეზიდენტო არჩევნებს ეხება“, - აღნიშნულია განცხადებაში.

ცნობისთვის, რუმინეთში 24 ნოემბერს საპრეზიდენტო არჩევნები გაიმართა. არჩევნების პირველ ტურში კანდიდატმა კელინ ჯორჯესკუმ გაიმარჯვა, თუმცა 2 დეკემბერს ქვეყნის საკონსტიტუციო სასამართლომ შედეგები გააუქმა. მოგვიანებით ცნობილი გახდა, რომ ჯორჯესკუ წინასაარჩევნო კამპანიის დროს აქტიურად სარგებლობდა Tik Tok-ის პლატფორმით.

Today, we have opened formal proceedings against TikTok for a suspected breach of the Digital Services Act regarding its obligation to assess and mitigate systemic risks linked to election integrity, notably in the context of the recent Romanian presidential elections ↓

— European Commission (@EU_Commission) December 17, 2024