ევროკავშირი ისრაელზე ირანის სარაკეტო იერიშს გმობს და მხარეებს ახლო აღმოსავლეთში ცეცხლის დაუყოვნებლივ შეწყვეტისკენ მოუწოდებს. ამის შესახებ ევროკავშირის უმაღლესი წარმომადგენელი ჯოზეფ ბორელი სოციალურ ქსელში წერს.

„ევროკავშირი მკაცრად გმობს ირანის თავდასხმას ისრაელის წინააღმდეგ. თავდასხმებისა და შურისძიების სახიფათო ციკლი კონტროლიდან გამოსვლის საფრთხეს ქმნის. საჭიროა დაუყოვნებლივი ცეცხლის შეწყვეტა მთელს რეგიონში. ევროკავშირი რჩება სრულად ერთგული, წვლილი შეიტანოს რეგიონული ომის თავიდან აცილებაში“, - წერს ბორელი X-ზე. 

The EU condemns in the strongest terms Iran’s attack against Israel.

The dangerous cycle of attacks and retaliation risks to spiralling out of control. An immediate ceasefire across the region is needed.

The EU remains fully committed to contribute to avert a regional war.

— Josep Borrell Fontelles (@JosepBorrellF) October 1, 2024

ცნობისთვის, ირანმა ისრაელის მიმართულებით 100-ზე მეტი რაკეტა გაისროლა. ისრაელის თავდაცვის ძალების განცხადებით, ავიაიერიში შეჩერებულია.