1794687757
უცხოეთი
ერაყის პრემიერ-მინისტრმა ნავთობის კონტრაბანდის საქმეზე ცხრა თანამდებობის პირი გაათავისუფლა
ერაყის პრემიერ-მინისტრმა ალი ალ-ზაიდიმ ცხრა თანამდებობის პირი თანამდებობიდან გაათავისუფლა. გადაწყვეტილება ჯურფ ალ-სახერის რაიონში ნავთობის კონტრაბანდის შესახებ ბრალდებების გამოძიებას მოჰყვა.
როგორც მედია წერს, ეს ტერიტორია ირანის მიერ მხარდაჭერილი დაჯგუფება „ქათაიბ ჰეზბოლას“ ერთ-ერთ დასაყრდენად მიიჩნევა.
„გამოძიების შედეგების გათვალისწინებით, ზაიდიმ გასცა განკარგულება, რომ ნავთობის კონტრაბანდაში მონაწილეობის ბრალდებით ყველა პირის საქმე სასამართლოს გადაეცეს“, - განაცხადა პრემიერ-მინისტრის სამხედრო პრესსპიკერმა საბაჰ ალ-ნუმანმა.
მას ეჭვმიტანილთა ვინაობა არ დაუსახელებია.
პრემიერ-მინისტრმა, ასევე, გასცა ცხრა თანამდებობის პირის გათავისუფლების ბრძანება. მათ შორის არიან უსაფრთხოებისა და ნავთობის სექტორების წარმომადგენლები.
