საფრანგეთის პრეზიდენტმა ემანუელ მაკრონმა განაცხადა, რომ ატლანტის ოკეანეში მდებარე კუნძულოვანი ტერიტორია სენ-პიერი და მიკელონი ფრანგულია მას შემდეგ, რაც აშშ-ის პრეზიდენტმა დონალდ ტრამპმა გამოაქვეყნა რუკა, რომელზეც ეს არქიპელაგი შეერთებული შტატების დროშით იყო აღნიშნული. ამის შესახებ მაკრონმა სენ-პიერში ჩასვლისას განაცხადა.

მან ხაზგასმით აღნიშნა, რომ ტერიტორია „ფრანგულია“ და „მჭიდროდ არის დაკავშირებული საფრანგეთთან“.

„ჩვენ ამას ყოველ დილით არ გავიმეორებთ მხოლოდ იმიტომ, რომ ხალხს უცნაური ფიქრები აქვს, ან უცნაურ რაღაცებს ​​ამბობს“, - დასძინა საფრანგეთის პრეზიდენტმა.

სენ-პიერი და მიკელონი ყოფილი ფრანგული კოლონიაა ატლანტის ოკეანეში, კანადის სანაპიროსთან. 2003 წელს არქიპელაგმა საფრანგეთის ზღვისიქითა გაერთიანების სპეციალური სტატუსი მიიღო.

დღეს, 20 სექტემბერს, მაკრონი სენ-პიერში კანადის პრემიერ-მინისტრ მარკ კარნის უმასპინძლებს - ეს იქნება პირველი ამგვარი შეხვედრა, რომელიც კანადის სანაპიროდან რამდენიმე კილომეტრში გაიმართება.

„ეს ძლიერი სიგნალია“, - ხაზგასმით აღნიშნა მან, ტრამპის მიერ კანადის წინააღმდეგ წამოწყებულ სავაჭრო ომზე მითითებით.