ხანძარია ედინბურგის ცენტრში, რომელიც ქალაქ ჰოლირუდის პარკიდან სწრაფად გავრცელდა. პოლიცია და სახანძრო/სამაშველო ჯგუფები მოსახლეობას მოუწოდებენ, ტერიტორიიდან თავი შორს დაიჭირონ. ინფორმაციას BBC ავრცელებს. 

განგაშის სიგნალი ადგილობრივი დროით 16:05-ზე ჩაირთო. ადგილზე მაშინვე გაიგზავნა ტექნიკა და სპეციალიზებული რესურსი. ჯერჯერობით, დაშავებულების შესახებ ცნობები არ გავრცელებულა. ჰოლირუდის პარკის დიდი ნაწილი ფეხით მოსიარულეებისთვის დაიკეტა. 

ღირსშესანიშნაობა ედინბურგის ისტორიულ ძველ ქალაქთან ახლოს მდებარეობს და ქალაქის ხედებით ტკბობის მიზნით, გორაკზე ასვლა ტურისტებისა და ადგილობრივებისთვის პოპულარული აქტივობაა.

თვითმხილველების თქმით, კვამლი ძალიან სწრაფად დაგროვდა და დაინახეს, თუ როგორ ვრცელდებოდა ხანძარი მთელ ტერიტორიაზე. „მივხვდით, რომ ქარს ის პირდაპირ ჩვენკენ მოჰქონდა, ადგილის სასწრაფო წესით დატოვება მოგვიწია“, - ამბობენ ისინი.

აღსანიშნავია, რომ ამ პერიოდში ედინბურგს ტურისტულად ყველაზე დატვირთული სეზონი აქვს გამომდინარე იქიდან, რომ მუსიკალური ფესტივალების პერიოდია.