აშშ-ის პრეზიდენტმა დონალდ ტრამპმა განაცხადა, რომ გადაწყვიტა ჰორმუზის სრუტეში გემებისთვის 20%-იანი გადასახადი ჩაანაცვლოს სპარსეთის ყურის ქვეყნებსა და აშშ-ს შორის სავაჭრო და საინვესტიციო გარიგებებით.

„ნავთობი მიედინება ისე, როგორც არასდროს, შეერთებული შტატების შეიარაღებული ძალების საოცარი ძალის წყალობით. განსაკუთრებული პატივისცემა ომის მდივანს, პიტ ჰეგსეტს, შეიარაღებული ძალების გაერთიანებული შტაბის უფროსს, დენ კეინს და შეერთებული შტატების ცენტრალური სარდლობის მეთაურს, ადმირალ ბრედ კუპერს.

მსოფლიოში ყველაზე ძლიერი არმიის ყველა წევრის დამსახურებით, ჰორმუზის სრუტე ღიაა საზღვაო მოძრაობისთვის, გარდა ირანისა - ეს კი მათი მატყუარა, მოძალადე და ბოროტი ხელმძღვანელობის გამო ხდება, რომელიც მათ „ტოტალური განადგურების“ გზაზე მიუძღვის. ამიტომ, ჩვენ განვახორციელებთ სრულ ბლოკადას, მაგრამ მხოლოდ იმ გემებზე, რომლებიც მოდიან ირანის პორტებიდან ან მიდიან იქით, ან გადააქვთ რაიმე ისეთი, რაც ირანულ ტვირთთან არის დაკავშირებული.

ახლო აღმოსავლეთის ლიდერებთან ძალიან პროდუქტიული საუბრების საფუძველზე, გადავწყვიტე, გავაუქმო შეერთებული შტატების 20%-იანი ანაზღაურების საფასური და მის ნაცვლად გავაფორმო ვაჭრობისა და ინვესტიციების შეთანხმებები, რომლებსაც სპარსეთის ყურის სხვადასხვა სახელმწიფოები შეერთებულ შტატებში განახორციელებენ.

ეს ინვესტიციები იქნება მასშტაბური და, ამავდროულად, უკიდურესად მოგებიანი მათთვის და მათი მომავლისთვის. ჩვენ ვიხილავთ ქარხნების, საწარმოებისა და აღჭურვილობის შემოდინებას შეერთებულ შტატებში ისტორიულ დონეზე, რაც დამატებით მილიონობით მაღალანაზღაურებად ამერიკულ სამუშაო ადგილს შექმნის! ამერიკა კვლავ იმარჯვებს, იმარჯვებს ისე, როგორც არასდროს. დღეები, როდესაც ირანი ასობით ათას ადამიანს კლავდა, მათ შორის 52 000 მომიტინგე, დასრულებულია და, რაც მთავარია, ირანს არასდროს ექნება ბირთვული იარაღი“, - წერს დონალდ ტრამპი Truth Social-ზე.