აშშ-ის პრეზიდენტმა დონალდ ტრამპმა ტაილანდსა და კამბოჯას ცეცხლის შეწყვეტა მიულოცა და გაეროს უკრაინაში ომის დასასრულებლად „აქტიური მოქმედებისკენ“ მოუწოდა.

ტრამპის თქმით, გაერთიანებული ერების ორგანიზაციამ „ძალიან მცირე დახმარება გასწია“ სხვადასხვა გლობალური კონფლიქტის მოგვარებაში, მათ შორის რუსეთსა და უკრაინას შორის მიმდინარე კატასტროფაში“.

„მოხარული ვარ, გაცნობოთ, რომ ტაილანდსა და კამბოჯას შორის დაპირისპირება დროებით შეწყდება და ისინი დაუბრუნდებიან მშვიდობიან ცხოვრებას, ჩვენი ცოტა ხნის წინ მიღწეული თავდაპირველი ხელშეკრულების შესაბამისად. მინდა, მივულოცო ორივე დიდ ლიდერს, მათ შესანიშნავი სამუშაო გასწიეს სწრაფი და ძალიან სამართლიანი გადაწყვეტილების მიღებაში. ეს იყო სწრაფი და გადამწყვეტი, როგორც უნდა იყოს ყველა მსგავს სიტუაციაში! ამერიკის შეერთებული შტატები, როგორც ყოველთვის, ამაყია დახმარებით! ბოლო 11 თვის განმავლობაში ყველა იმ ომისა და კონფლიქტის გათვალისწინებით, რვა ომის, რომელიც მოვაგვარე და შევაჩერე, შესაძლოა, შეერთებული შტატები გახდა ნამდვილი გაერთიანებული ერების ორგანიზაცია, რომელმაც ძალიან ცოტა რამ გააკეთა ყველა ამ შემთხვევის დასახმარებლად, მათ შორის რუსეთსა და უკრაინას შორის მიმდინარე კატასტროფის. გაერომ აქტიურად უნდა დაიწყოს მოქმედება და ჩაერთოს გლობალური მშვიდობის დამყარების საქმეში“, - წერს აშშ-ის პრეზიდენტი დონალდ ტრამპი.