1750794299
უცხოეთი
დონალდ ტრამპი ჰააგაში ნატოს სამიტზე ჩავიდა
აშშ-ის პრეზიდენტი დონალდ ტრამპი ჰააგაში, ნიდერლანდების მეფის რეზიდენციაში ჩავიდა, სადაც ნატოს სამიტის გახსნის აღსანიშნავად ოფიციალური ვახშამი გაიმართება.
აშშ-ის პრეზიდენტის ავტოკოლონა რეზიდენციაში ადგილობრივი დროით საღამოს 8:30 საათის შემდეგ მივიდა.
ტრამპს სასახლეში მეფე ვილემ-ალექსანდრე, დედოფალი მაქსიმა და პრინცესა კატარინა-ამალია დახვდნენ.
24-25 ივნისს ნიდერლანდებში ნატოს სამიტი იმართება.
სამიტზე განსახილველ საკითხებს შორისაა:
- შეკავება და თავდაცვა
- თავდაცვის ხარჯებისა და წარმოების ზრდა
- უკრაინის მხარდაჭერა
ნატოს სამიტის ფარგლებში თავდაცვის ინდუსტრიისა და საჯარო ფორუმებიც იმართება.
