1761282105
უცხოეთი
დონალდ ტრამპი აცხადებს, რომ კანადასთან ყველა სავაჭრო მოლაპარაკება შეწყდა
აშშ-ის პრეზიდენტის დონალდ ტრამპის განცხადებით, კანადასთან ყველა სავაჭრო მოლაპარაკება ბოლო დროს გამოქვეყნებული სატელევიზიო რეკლამების გამო შეწყდა.
„მათი აღმაშფოთებელი საქციელის საფუძველზე, კანადასთან ყველა სავაჭრო მოლაპარაკება ამით შეწყდა“, - წერს ტრამპი Truth Social-ზე.
ტრამპის განცხადებით, რეიგანის ფონდმა გამოაცხადა, რომ კანადამ თაღლითურად გამოიყენა ყალბი რეკლამა, რომელშიც რონალდ რეიგანი უარყოფითად საუბრობს ტარიფებზე.
ამასთან, კანადის პრემიერ-მინისტრმა მარკ კარნიმ ჟურნალისტებს განუცხადა, რომ თუ ვაშინგტონთან სხვადასხვა სავაჭრო შეთანხმებებზე მოლაპარაკებები ჩაიშლება, კანადა არ დაუშვებს ამერიკის წვდომას კანადის ბაზრებზე.
ტრამპმა კანადურ ფოლადზე, ალუმინსა და ავტომობილებზე ტარიფები წლის დასაწყისში დააწესა.
