1728112709
უცხოეთი
დონალდ ტრამპი აცხადებს, რომ ისრაელმა ირანის ბირთვულ ობიექტებს უნდა შეუტიოს
აშშ-ის პრეზიდენტობის კანდიდატი დონალდ ტრამპი თვლის, რომ ისრაელმა მასიური სარაკეტო თავდასხმის საპასუხოდ ირანის ბირთვულ ობიექტებზე საჰაერო იერიში უნდა მიიტანოს. ტრამპის განცხადებას CNN-ი ციტირებს.
დონალდ ტრამპმა თქვა, რომ არ ეთანხმება პრეზიდენტ ჯო ბაიდენის განცხადებას, რომლის თანახმადაც ისრაელმა ამ ეტაპზე არ უნდა შეუტიოს ირანის ბირთვულ ობიექტებს.
„ბაიდენი ცდება“, - აცხადებს ტრამპი.
ინფორმაციისთვის, 1-ელ ოქტომბერს ირანმა ისრაელს 180 ბალისტიკური რაკეტა ესროლა.
თეთრ სახლში განაცხადეს, რომ თეირანი სერიოზულ შედეგებს მიიღებს.