1775992200
უცხოეთი
„დიდი პრობლემები შეექმნება“ - ტრამპი ჩინეთს ემუქრება, თუ ის ირანს იარაღს მიაწვდის
აშშ-ის პრეზიდენტმა დონალდ ტრამპმა CNN-თან ინტერვიუში განაცხადა, რომ ჩინეთს „დიდი პრობლემები“ შეექმნება, თუ ის ირანს იარაღს მიაწვდის.
„თუ ჩინეთი ამას გააკეთებს, მას დიდი პრობლემები შეექმნება“, - აცხადებს ტრამპი.
ტრამპმა არ დააკონკრეტა, ესაუბრა თუ არა ჩინეთის ლიდერ სი ძინპინს, რომელთანაც ის მომდევნო თვის დასაწყისში ჩინეთში შეხვედრას გეგმავს.
CNN-მა ადრე გაავრცელა ინფორმაცია, რომ აშშ-ის დაზვერვის მონაცემებით, ჩინეთი ირანისთვის ახალი საჰაერო თავდაცვის სისტემების მიწოდებას უახლოესი რამდენიმე კვირის განმავლობაში გეგმავს.
