დიდი ბრიტანეთის მთავრობა ციხის რეფორმას გეგმავს, რომლის მიხედვით პატიმრებს სასჯელის მესამედის მოხდის შემდეგ ციხიდან გამოსვლის შესაძლებლობა ექნებათ. ამის შესახებ BBC იუწყება.

დღეს არსებული წესის მიხედვით, ბრიტანეთის ციხეებიდან ვადამდელ-პირობითი გათავისუფლება სასჯელის ანვერის მოხსნის შემდეგ არის შესაძლებელი. იის გამო, რომ მთავრობა ციხეების გადავსების პრობლემის წინაშე აღმოჩნდა, ლეიბორისტების მინისტრთა კაბინეტმა გადაწყვიტა, რომ თუ პატიმრობა 5 წელზე მეტია, მათი გათავისუფლება სასჯელის 40%-ის მოხდის შემდეგ გახდება შესაძლებელი.

თემთა პალატაში სიტყვით გამოსვლისას დიდი ბრიტანეთის იუსტიციის მინისტრმა შაბან მაჰმუდმა განაცხადა, რომ ვადამდელი გათავისუფლება განსაკუთრებით საშიში დანაშაულისთვის გასამართლებულ პირებს არ შეეხება. მათ სასჯელი, მინიმუმ 2/3-ის მოხდა მოუწევთ.

რამდენიმე დღის წინ გავრცელდა ინფორმაცია, რომ დიდი ბრიტანეთის ციხეებში 8 442 ადგილია, ხოლო ამჟამად იქ 88 087 პატიმარი იმყოფება. ამჟამად დიდი ბრიტანეთის მთავრობამ 2400 საპატიმრო ადგილი დაამატა. 2031 წლისთვის 14 ათასი საპატიმრო ადგილის დამატება იგეგმება.