1780760997
უცხოეთი
დასავლეთ ავსტრალიაში მამაკაცი ზვიგენის თავდასხმის შედეგად დაიღუპა
დასავლეთ ავსტრალიის სანაპიროსთან კაცი ზვიგენის თავდასხმის შედეგად დაიღუპა. ინფორმაციას Deutsche Welle პოლიციის განცხადებაზე დაყრდნობით ავრცელებს.
პოლიციის ცნობით, თავდასხმა პერტის სამხრეთ-აღმოსავლეთით, მაიკლმასის კუნძულთან ახლოს მოხდა, როდესაც მამაკაცი ოჯახთან ერთად წყალქვეშ თევზაობდა.
ის ნაპირზე გადაიყვანეს, სადაც ექიმებმა დახმარება გაუწიეს. „სამწუხაროდ, მისთვის სასიცოცხლო პარამეტრების აღდგენა ვერ მოხერხდა“, - განაცხადეს მათ.
შტატის ხელისუფლების ცნობით, მაიკლმასის კუნძულთან ახლოს სამოქალაქო პირმა უცნობი სახეობის 4,5-მეტრიანი ზვიგენი შენიშნა.
აღსანიშნავია, რომ ეს ავსტრალიაში ზვიგენის თავდასხმის მესამე ფატალური შემთხვევაა ბოლო სამი კვირის განმავლობაში.
