დანიის პრემიერმა აშშ-ს გრენლანდიასთან დაკავშირებით მისი „წითელი ხაზები“ შეახსენა: სუვერენიტეტი მოლაპარაკებას არ ექვემდებარება
დანიას გრენლანდიასთან დაკავშირებით მკაფიო „წითელი ხაზები“ აქვს: მისი, როგორც სუვერენული სახელმწიფოს სტატუსი, განხილვას არ ექვემდებარება, მაგრამ არსებობს მზადყოფნა, გააფართოოს თანამშრომლობა აშშ-სთან არქტიკის უსაფრთხოების საკითხებში, - ამის შესახებ დანიის პრემიერ-მინისტრმა მეტე ფრედერიქსენმა ევროპული საბჭოს რიგგარეშე სხდომის დაწყებამდე განაცხადა.
დანია უარს ამბობს აშშ-სთან სუვერენული სახელმწიფოს სტატუსის განხილვაზე.
„თქვენ წითელ ხაზებზე მეკითხებით, რა თქმა უნდა, ჩვენ გვაქვს ისინი. ვფიქრობ, ყველასთვის ნათელია, რომ ჩვენ ვართ სუვერენული სახელმწიფო და ამაზე მოლაპარაკება არ შეგვიძლია, რადგან ეს ძირითადი დემოკრატიული ღირებულებების ნაწილია. მაგრამ, რა თქმა უნდა, ჩვენ შეგვიძლია განვიხილოთ აშშ-სთან, თუ როგორ შეგვიძლია გავაძლიეროთ ჩვენი საერთო თანამშრომლობა უსაფრთხოების საკითხებში არქტიკის რეგიონში“, - აღნიშნა დანიის პრემიერ-მინისტრმა.
