CNN - პუტინის წარმომადგენელი, კირილ დმიტრიევი მიმდინარე კვირაში ვაშინგტონში ჩავა და სტივ უიტკოფს შეხვდება
კრემლის ლიდერის სპეცწარმომადგენელი, რუსეთის ეროვნული კეთილდღეობის ფონდის ხელმძღვანელი კირილ დმიტრიევი მიმდინარე კვირაში ვაშინგტონს ეწვევა და დონალდ ტრამპის წარმომადგენელს, სტივ უიტკოფს შეხვდება, - ამის შესახებ CNN წყაროზე დაყრდნობით იტყობინება.
როგორც მედიასაშუალება აღნიშნავს, ეს შეხვედრა ორ ქვეყანას შორის ურთიერთობების გაღრმავებაზე მოლაპარაკებებისთვის გაიმართება.
CNN დასძენს, რომ დმიტრიევის ვიზიტი იქნება რუსეთის მაღალი რანგის წარმომადგენლის პირველი ვიზიტი აშშ-ში, უკრაინაში რუსეთის შეჭრის შემდეგ.
დმიტრიევი პუტინის მრჩეველია და რუსეთის მთავრობის წევრებთან ერთად იმყოფებოდა საუდის არაბეთში უკრაინის საკითხზე მოლაპარაკებების დასაწყებად.
„აშშ-ის მთავრობამ დროებით გააუქმა სანქციები კირილ დმიტრიევის წინააღმდეგ, რათა სახელმწიფო დეპარტამენტს მიეცა მისთვის აშშ-ში ჩასვლის ვიზა.
ჰარვარდის განათლება მიღებული კირილ დიმიტრიევი არის რუსეთის სუვერენული სიმდიდრის ფონდის აღმასრულებელი დირექტორი, რომელსაც სანქციები ბაიდენის ადმინისტრაციამ დაუწესა უკრაინაში რუსეთის შეჭრასთან დაკავშირებით“, - წერს მედიასაშუალება.
