1784054204
უცხოეთი
CNN: ჰორმუზის სრუტე ბოლო 24 საათში, სულ მცირე, 22-მა კომერციულმა გემმა გაიარა
MarineTraffic-ის მონაცემებით, ბოლო 24 საათის განმავლობაში ჰორმუზის სრუტე, სულ მცირე, 22-მა კომერციულმა გემმა გადაკვეთა. წერს CNN.
როგორც მედია წერს, 14 გემი შევიდა სპარსეთის ყურეში, მათ შორის 11 სატვირთო და 3 ტანკერი,
ყურე 8 გემმა დატოვა, რომელიც ოთხი სატვირთო გემისა და ოთხი ტანკერისგან შედგებოდა.
ომამდე ჰორმუზის სრუტეში დღეში საშუალოდ დაახლოებით 110 გემი გადაადგილდებოდა.
მედიის ცნობით, რეგიონში კვლავ ფიქსირდება GPS-ის სიგნალის გაყალბება, ნავიგაციაში ჩარევის ფორმა, რომლის შედეგადაც გემების გადაცემული მდებარეობა არასწორ ადგილას ჩანს. ეს პრობლემა კი ჰორმუზის სრუტეში მოძრაობის მონიტორინგს მნიშვნელოვნად ართულებს.
