1787821804
უცხოეთი
ჩრდილოეთ საფრანგეთში ავტომობილი ხალხში შევარდა - არიან დაღუპულები და დაშავებულები
ჩრდილოეთ საფრანგეთში, კანში, რკინიგზის სადგურთან ახლოს, მსუბუქი ავტომობილი ხალხში შევარდა, - ამის შესახებ BBC წერს.
როგორც მედია წერს, ინციდენტის შედეგად ორი ადამიანი დაიღუპა და 10 დაშავდა.
„მანქანა განზრახ დაეჯახა ფეხით მოსიარულეებს“, - განუცხადა ჟურნალისტებს ადგილობრივმა პრეფექტმა დევიდ კლავიერმა და დასძინა, რომ დაშავებულთაგან შვიდი კრიტიკულ მდგომარეობაშია.
როგორც ცნობილია, ბართან ახლოს კაცებს შორის დაპირისპირება მოხდა, რის შემდეგაც ჩხუბის ერთ-ერთი მონაწილე ადამიანების ჯგუფში ავტომობილით შევარდა.
პოლიციის განცხადებით ბრალდებული დაკავებულია.
„ამ ეტაპზე ტერორისტულ მოტივს არ განვიხილავთ, თუმცა გამოძიება ახლახან დაიწყო“, - განაცხადა ქალაქის უსაფრთხოების სამსახურის წარმომადგენელმა ბრუნო კოტანსომ.
