ჩრდილოეთ ამერიკის საჰაერო-კოსმოსური თავდაცვის სარდლობამ (NORAD) განაცხადა, რომ მათი სამხედრო თვითმფრინავები უახლოეს პერიოდში გრენლანდიაში, პიტუფიკის სამხედრო ბაზაზე ჩაფრინდებიან.

როგორც განცხადებაშია ნათქვამი, თვითმფრინავები ჩაერთვებიან „NORAD-ის მიერ დიდი ხნის წინ დაგეგმილ ღონისძიებებში“.

განცხადებაში აღნიშნულია, რომ ღონისძიებები დანიის ხელისუფლებასთან არის შეთანხმებული და ჩართულ ძალებს მონაწილეობისთვის გააჩნიათ შესაბამისი დიპლომატიური ნებართვა.

„გრენლანდიის მთავრობა, ასევე, ინფორმირებულია დაგეგმილი ღონისძიების შესახებ. NORAD რეგულარულად ატარებს ოპერაციებს ჩრდილოეთ ამერიკის თავდაცვის მიზნით“ - ნათქვამია გავრცელებულ განცხადებაში.

North American Aerospace Defense Command (NORAD) aircraft will soon arrive at Pituffik Space Base, Greenland. Along with aircraft operating from bases in the continental United States and Canada, they will support various long-planned NORAD activities, building on the enduring…

— North American Aerospace Defense Command (@NORADCommand) January 19, 2026