ჩინეთმა მოუწოდა შეერთებულ შტატებს დაუყოვნებლივ შეცვალოს თავისი ტარიფები და პირობა დადო, რომ მიიღებს საპირისპირო ზომებს თავისი ინტერესების დასაცავად მას შემდეგ, რაც აშშ-ს პრეზიდენტმა დონალდ ტრამპმა გამოაცხადა ყოვლისმომცველი ტარიფები აშშ-ს ყველა სავაჭრო პარტნიორზე მთელს მსოფლიოში. 

„ჩინეთი მტკიცედ ეწინააღმდეგება ამას და მიიღებს საპირისპირო ზომებს თავისი უფლებებისა და ინტერესების დასაცავად,“ - აღნიშნულია ჩინეთის ვაჭრობის სამინისტროს განცხადებაში. 

განცხადების თანახმად, შეერთებული შტატები უგულებელყოფს მრავალი წლის განმავლობაში მრავალმხრივ სავაჭრო მოლაპარაკებებში მიღწეულ ინტერესთა ბალანსს და იმ ფაქტს, რომ დიდი ხნის განმავლობაში მიიღო მნიშვნელოვანი სარგებელი საერთაშორისო ვაჭრობიდან.

ინფორმაციისთვის, ტრამპმა აშშ-ში იმპორტირებულ თითქმის ყველა საქონელზე მინიმუმ, საბაზისო 10%-იან ტარიფი გამოაცხადა. ტრამპის გადაწყვეტილებით, 34%-იანი ტარიფი დაუწესდება ჩინეთს, ევროკავშირს - 20%-იანი, ვიეტნამს - 46%-იანი, ტაივანს - 32%-იანი, იაპონიას - 24%-იანი, ინდოეთს - 26%-იანი, სამხრეთ კორეას - 25%-იანი, ტაილანდს - 36%-იანი, შვეიცარიას - 31%-იანი, ინდონეზიას - 32%-იანი, მალაიზიას - 24%-იანი, დიდ ბრიტანეთს - 10%-იანი, ისრაელს - 17%-იანი, სამხრეთ აფრიკას - 30%-იანი.