1722065557
უცხოეთი
ჩელიაბინსკის ოლქში დამბის დანგრევის გამო რამდენიმე სოფელი დაიტბორა
რუსეთის ჩელიაბინსკის ოლქში კიალიმსკის წყალსაცავზე მდებარე დამბა დაინგრა, რის შედეგად 5 სოფელი დაიტბორა. ამის შესახებ Deutche Welle იუწყება.
კაშხალი 100 მეტრის სიგრძეზე დაინგრა. სოფლების გარდა, დაიტბორა საავტომობილო ტრასა მიასი-კარაბაში-კიშტიმი.
დატბორილ სოფლებში დაახლოებით 200 ადამიანი ცხოვრობს. იქიდან მოსახლეობის ევაკუაცია მიმდინარეობს, დაღუპულთა შესახებ ინფორმაცია არ გავრცელებულა.
კიალიმსკის წყალსაცავი 1979 წელს აშენდა. ის ქალაქ კარაბაშისთვის სასმელი წყლის მიწოდებისთვის გამოიყენება.
