ჩეხეთი მოსკოვში ელჩს აბრუნებს
ჩეხეთის საგარეო საქმეთა სამინისტრო მოსკოვში უახლოეს თვეებში ახალ ელჩს გაგზავნის. ის თავდაცვის მინისტრის ყოფილი მოადგილე დანიელ კოსტოვალია.
„ჩეხეთის რესპუბლიკის სტრატეგიულ მოკავშირე ძირითად ქვეყნებს დიდ ბრიტანეთს, საფრანგეთს, გერმანიას, პოლონეთს და აშშ-ს რუსეთის ფედერაციაში თავიანთი ელჩები ჰყავთ. ელჩს ვუსურვებ დიდ ძალას ამ რთულ მისიაში“, - განაცხადა ჩეხეთის საგარეო საქმეთა მინისტრმა იან ლიპავსკიმ.
დანიელ კოსტოვალი 1996 წლიდან მუშაობდა ჩეხეთის საგარეო საქმეთა სამინისტროში უსაფრთხოების პოლიტიკის დეპარტამენტის დირექტორად, ჩრდილოეთ და აღმოსავლეთ ევროპის დეპარტამენტის დირექტორად და არაევროპული ქვეყნების გენერალურ დირექტორად.
1998 წლიდან 2002 წლამდე მუშაობდა ნატოში ჩეხეთის რესპუბლიკის მუდმივ წარმომადგენლობაში.
კოსტოვალი სავარაუდოდ, თანამდებობას მომავალი წლის პირველ თვეებში შეუდგება.
