ბრიტანელი პოპმომღერალი ბონი ტაილერი მძიმე ავადმყოფობის შემდეგ 75 წლის ასაკში გარდაიცვალა. მას ეკუთვნის ისეთი ცნობილი ჰიტების შესრულება, როგორებიცაა Total Eclipse of the Heart, Holding Out for a Hero და It's a Heartache. ინფორმაციას Deutche Welle ავრცელებს. 

„ბონი ტაილერის ოჯახი და მისი ახლობლები ღრმა მწუხარებით იუწყებიან, რომ ბონი პორტუგალიაში, საავადმყოფოში გარდაიცვალა, სადაც მკურნალობდა“, - წერია ოფიციალურ განცხადებაში.

აპრილში ბონი ტაილერმა ნაწლავებზე სასწრაფო ოპერაცია გადაიტანა და რამდენიმე თვე ხელოვნურ კომაში იმყოფებოდა. ივნისში ის კომიდან გამოიყვანეს, მაგრამ მომღერლის მდგომარეობა მძიმე რჩებოდა.

ბონი ტალერი 1970-1980-იან წლებში გახდა ცნობილი. Total Eclipse of the Heart-მა მას დიდი ბრიტანეთის და აშშ-ის ჩარტებში პირველი ადგილი მოუტანა და „გრემის“ პრემიის ლაურეატი გახდა.

თავისი კარიერის განმავლობაში მან 80 სინგლი და 18 სტუდიური ალბომი გამოუშვა. 2013 წელს ბონი ტაილერი დიდ ბრიტანეთს „ევროვიზიის“ კონკურსზე წარმოადგენდა.