1762323473
უცხოეთი
ბოსნია და ჰერცეგოვინაში, მოხუცებულთა თავშესაფარში ხანძარი გაჩნდა - დაიღუპა 10 ადამიანი
ბოსნია და ჰერცეგოვინას ჩრდილოეთით, მოხუცებულთა თავშესაფარში გაჩენილ ხანძარს 10 ადამიანის სიცოცხლე ემსხვერპლა.
გარდაცვლილები მოხუცებულთა თავშესაფრის ბინადრები იყვნენ.
მედიის ცნობით, 20-მდე ადამიანი საავადმყოფოშია გადაყვანილი და მკურნალობას ტუზლას უნივერსიტეტის კლინიკურ ცენტრში გადის.
შემთხვევის ადგილზე საგამოძიებო ჯგუფი მუშაობს.
„ჩატარდება გამოძიება, რათა დადგინდეს, რა გახდა ხანძრის გამომწვევი მიზეზი“, - განაცხადეს ქვეყნის შინაგან საქმეთა სამინისტროში.
