გერმანიის თავდაცვის მინისტრის ბორის პისტორიუსის განაცხადებით, უკრაინა არ უნდა იყოს იძულებული, ტერიტორიულ დათმობებზე წავიდეს მიმდინარე მოლაპარაკებების პროცესში.

მისი თქმით, უკრაინას მომავალშიც უნდა შეეძლოს საკუთარი თავის დაცვა, რისთვისაც საჭიროა შეიარაღებული ძალები და სანდო უსაფრთხოების გარანტიები, განსაკუთრებით აშშ-ის მხრიდან.

„არ უნდა იყოს ყალბი მშვიდობა უკრაინისთვის. არ უნდა იყოს მშვიდობა, რომელიც კაპიტულაციას ნიშნავს“, - აცხადებს გერმანიის თავდაცვის მინისტრი.

პისტორიუსის განცხადებით, უკრაინაში ომის დასასრულებლად მიმდინარე მოლაპარაკებებმა აჩვენა, რომ მსოფლიოში ძალთა გადანაწილება იცვლება.

„გეოპოლიტიკური ჭადრაკის დაფა სწრაფად იცვლება. ჩვენ, გერმანელებმა ევროკავშირსა და ნატოში უნდა განვსაზღვროთ ხელახლა ჩვენი პოზიცია ამ გეოპოლიტიკურ ჭადრაკის დაფაზე, განვსაზღვროთ ჩვენი როლი მომავალ წლებში, რადგან არ ვიცით, რომელ ალიანსებს შეგვიძლია, კვლავ ვენდოთ მომავალში და რამდენ ხანს გაგრძელდება ისინი“, - დასძინა გერმანიის თავდაცვის მინისტრმა.