ბერლინის ადგილობრივი არჩევნების წინ ჩატარებულ გამოკითხვაში „ალტერნატივა გერმანიისთვის“ პირველად ლიდერობს
ბერლინში ადგილობრივ არჩევნებამდე 59 დღით ადრე პარტიამ „ალტერნატივა გერმანიისთვის“ (AfD) პოპულარობით პირველი ადგილი დაიკავა.
სოციოლოგიური ინსტიტუტის, Insa-ს კვლევის შედეგებზე დაყრდნობით, გამოცემა Welt-ი იტყობინება, რომ ბერლინში ადგილობრივი პარლამენტის არჩევნები 20 სექტემბერს გაიმართება, რის გამოც კაი ვეგნერის ხელმძღვანელობით მოქმედ მმართველ კოალიციას ძალაუფლების დაკარგვის საფრთხე ემუქრება.
კვლევის მიხედვით, მთავარი კანდიდატის კრისტინ ბრინკერის ხელმძღვანელობით პარტია „ალტერნატივა გერმანიისთვის“ ხმების 19%-ს აგროვებს. მას „ქრისტიან-დემოკრატიული კავშირი“ და „მემარცხენეები“ მოსდევენ - თითოეული მათგანი ხმების 18%-ს იღებს.
Insa-მ 14-დან 21 ივლისამდე პერიოდში 1 000 ამომრჩეველი გამოკითხა.
გერმანიაში ჩატარებული გამოკითხვები ადასტურებს, რომ „ალტერნატივა გერმანიისთვის“ ფედერალურ დონეზეც ყველაზე პოპულარულ პარტიად რჩება და მმართველ ბლოკს კვლავ უსწრებს.
