პრემიერ-მინისტრმა ბენიამინ ნეთანიაჰუმ განაცხადა, რომ იგი წარუდგენს კაბინეტს ლიბანში ცეცხლის შეწყვეტის შესახებ მონახაზს და ცეცხლის შეწყვეტის ხანგრძლივობა დამოკიდებულია იმაზე, რა მოხდება ლიბანში.

მისი თქმით, შეერთებულ შტატებთან სრული თანამშრომლობით, ისრაელი ინარჩუნებს სამხედრო მოქმედების სრულ თავისუფლებას.

„შეერთებულ შტატებთან სრული თანამშრომლობით, ჩვენ ვინარჩუნებთ სამხედრო მოქმედების სრულ თავისუფლებას. „ჰეზბოლა“ თუ დაარღვევს შეთანხმებას, ჩვენ თავს დავესხმებით. ის თუ შეეცდება, განაახლოს ტერორისტული ინფრასტრუქტურა საზღვართან ახლოს, ჩვენ თავს დავესხმებით. „ჰეზბოლას“ ყოველ დარღვევაზე ჩვენ ძლიერად ვუპასუხებთ. კარგი შეთანხმება არის შეთანხმება, რომელიც აღსრულდება და ჩვენ აღვასრულებთ მას“, - აღნიშნა ისრაელის პრემიერმა.

ის აკრიტიკებს კრიტიკოსებს, რომლებიც ამტკიცებენ, რომ ისრაელი ვერ შეძლებს ხელახლა დაიწყოს ბრძოლა ცეცხლის შეწყვეტის შემდეგ და აღნიშნა, რომ მათ იგივე თქვეს გასულ წელს ღაზაში მძევლების წინააღმდეგ ცეცხლის შეწყვეტის ერთკვირიანი შეთანხმების წინ. 

ნეთანიაჰუს თქმით, ახლა ცეცხლის შეწყვეტის მიღების სამი მიზეზი არსებობს.

„პირველი არის ირანის საფრთხეზე ფოკუსირება, მეორე, ჯარების დასვენებისა და იარაღის მარაგების შევსება, ხოლო მესამე მიზეზია ჩრდილოეთისა და სამხრეთის ფრონტების გამიჯვნა და „ჰამასის“ იზოლაცია. „ჰეზბოლას“ გარეშე, „ჰამასი“ მარტო დარჩება. ჩვენი ზეწოლა გაიზრდება. ეს ისრაელს მძევლების სახლში დაბრუნების საშუალებას მისცემს“, - დასძენს ნეთანიაჰუ.