აშშ-ის პრეზიდენტი ჯო ბაიდენი თავისი შვილის, ჰანტერ ბაიდენის საქმეზე ნაფიც მსაჯულების გადაწყვეტილებას გამოეხმაურა. 

„როგორც გასულ კვირას ვთქვი, მე ვარ პრეზიდენტი, მაგრამ ასევე მამა ვარ. მე და ჯილს გვიყვარს ჩვენი შვილი და ჩვენ ძალიან ვამაყობთ იმით, როგორიცაა დღეს. ძალიან ბევრ ოჯახს, რომელთა საყვარელი ადამიანები ებრძოდნენ დამოკიდებულებას, ესმის იმ სიამაყის გრძნობის, როდესაც ხედავ, რომ შენი საყვარელი ადამიანი მეორე მხარეს გადადის და ასე ძლიერია გამოჯანმრთელებაში. გავაგრძელებ სასამართლო პროცესის პატივისცემას, რადგან ჰანტერი განიხილავს გასაჩივრებას. მე და ჯილი მუდამ დავუჭერთ მხარს ჰანტერს და ჩვენი ოჯახის სხვა წევრებს“, - აცხადებს ჯო ბაიდენი. 

შეგახსენებთ, ნაფიცმა მსაჯულებმა 11 ივნისს აშშ-ის პრეზიდენტ ჯო ბაიდენის შვილი ჰანტერ ბაიდენი ფედერალურ სასამართლო პროცესზე იარაღის უკანონო შეძენა-შენახვის საქმეზე დამნაშავედ ცნეს.

ჰანტერ ბაიდენს 25 წლამდე თავისუფლების აღკვეთა და 750 000 დოლარამდე ჯარიმა ემუქრება, თუმცა უცნობია განაჩენის გამოცხადების თარიღი.