მოვითხოვთ, რომ საფრანგეთმა შეწყვიტოს ისეთი ნაბიჯები, რომლებიც არ ემსახურება მშვიდობას და ძირს უთხრის სტაბილურობას რეგიონში, – ამის შესახებ აღნიშნულია აზერბაიჯანის საგარეო საქმეთა სამინისტროს განცხადებაში.

აზერბაიჯანის საგარეო უწყების განცხადებით, ოფიციალური ბაქო კატეგორიულად უარყოფს 2 აპრილს საფრანგეთის საგარეო საქმეთა მინისტრის, ჟან-ნოელ ბაროს ბრალდებებს აზერბაიჯანსა და სომხეთს შორის სამშვიდობო პროცესთან დაკავშირებით.

აზერბაიჯანის საგარეო საქმეთა სამინისტროს პრესმდივნის, აიხან ჰაჯიზადეს განცხადებით, დაუშვებელია, კითხვის ნიშნის ქვეშ დადგეს ლეგიტიმური მოთხოვნა, რომელიც ორ წელზე მეტია, განიხილება სომხეთის კონსტიტუციაში ცვლილებების შეტანის შესახებ და შეიცავს ტერიტორიულ პრეტენზიებს აზერბაიჯანის მიმართ.

„საფრანგეთი როგორც აცხადებს, ის ნამდვილად თუ უჭერს მხარს სამშვიდობო შეთანხმების რაც შეიძლება ადრეულ ხელმოწერას, მაშინ უნდა წაახალისოს სომხეთი, გადადგას შესაბამისი ნაბიჯები. რაც შეეხება მოწოდებებს ომის დანაშაულებში, ეთნიკურ წმენდაში, სამხედრო აგრესიაში, წამებაში და სხვა მძიმე დანაშაულებში ბრალდებული ან მსჯავრდებული სომხური წარმოშობის პირების გათავისუფლებასთან დაკავშირებით, ამ დანაშაულების გამოძიება და მათზე სამართლებრივი დევნის წარმოება აზერბაიჯანის უფლებაა.

ზოგადად, მიზანშეწონილი იქნებოდა ფრანგული მხარისთვის, რომელიც ცდილობს, ჩაერიოს სხვა ქვეყნების სასამართლო პროცესებში, პირველ რიგში, გამოიძიოს ისეთი ფაქტები, როგორებიცაა საკუთარ ქვეყანაში პოლიტიკური დევნა და სხვადასხვა ღონისძიებაზე მომიტინგეების მკვლელობა, ადგილობრივი მოსახლეობის წამება საზღვარგარეთის ტერიტორიებზე საფრანგეთის ნეოკოლონიალური პოლიტიკის შედეგად, მექრთამეობისა და კორუფციის გავრცელება საფრანგეთის საკანონმდებლო ორგანოში. საფრანგეთში სასამართლო სისტემა გამოიყენება პოლიტიკურ ოპონენტებზე ზეწოლის საშუალებად და მინისტრის თქმით, საფრანგეთის სასამართლოს გადაწყვეტილებაზე კომენტარს ვერ აკეთებს. ეს ასევე ოფიციალური პარიზის ორმაგი სტანდარტების მაჩვენებელია“, – განაცხადა აზერბაიჯანის საგარეო საქმეთა სამინისტროს წარმომადგენლმა.