Axios: ტრამპს ირანის წინააღმდეგ შესაძლო სამხედრო მოქმედებების ვარიანტები წარუდგინეს
აშშ-ის პრეზიდენტმა დონალდ ტრამპმა ირანთან დაკავშირებით შეხვედრა გამართა თავისი ეროვნული უსაფრთხოების გუნდის უმაღლეს წევრებთან. შეხვედრაზე სამხედრო ვარიანტებიც განიხილეს, - ამის შესახებ Axios-ს ამერიკელმა ოფიციალურმა პირებმა განუცხადეს.
ამერიკის პრეზიდენტი აცხადებს, რომ ირანს დიპლომატიური გარღვევის მისაღწევად მხოლოდ რამდენიმე დღე დარჩა.
წყაროების ცნობით, ტრამპის გადაწყვეტილება დარტყმის განახლების გადადების შესახებ ნაწილობრივ განპირობებული იყო სპარსეთის ყურის რამდენიმე ლიდერის შეშფოთებით, რომლებიც ირანის მიერ მათი ნავთობის ობიექტებისა და ინფრასტრუქტურის წინააღმდეგ მიმართულ შურისძიებას ეხებოდა.
წყაროების ცნობით, სპარსეთის ყურის ლიდერებმა ტრამპს მოუწოდეს, მოლაპარაკებებისთვის კიდევ ერთი შანსი მიეცა.
წყაროების ცნობით, შეხვედრას ესწრებოდნენ ვიცე-პრეზიდენტი ჯ.დ. ვენსი, სახელმწიფო მდივანი მარკო რუბიო, თეთრი სახლის წარმომადგენელი სტივ უიტკოფი, თავდაცვის მდივანი პიტ ჰეგსეთი, გაერთიანებული შტაბების თავმჯდომარე გენერალი დენ კეინი, ცენტრალური სადაზვერვო სააგენტოს დირექტორი ჯონ რეტკლიფი და სხვა მაღალი თანამდებობის პირები.
ყურადღება გამახვილდა ირანთან ომის შემდგომ განვითარებაზე, დიპლომატიური ძალისხმევის პროგრესსა და ირანზე დარტყმის აშშ-ის სხვადასხვა სამხედრო გეგმაზე.
ბევრი სხვა ოფიციალური პირი გაკვირვებული დარჩა ტრამპის განცხადებით და აღიარებენ, რომ არ ესმით, საით მიემართება ის. ზოგი მიიჩნევს, რომ მან შეიძლება გადაწყვეტილების მიღება კიდევ ერთხელ გადადოს, თუ დიპლომატიური გარღვევა არ იქნება მიღწეული.
ტრამპმა განაცხადა, რომ „სერიოზული მოლაპარაკებები“ მიმდინარეობს, თუმცა ერთ-ერთმა მაღალჩინოსანმა Axios-ს განუცხადა, რომ ირანის უახლესმა საპასუხო წინადადებამ მცირე პროგრესი აჩვენა.
წყარომ განაცხადა, რომ შუამავლები მუშაობენ იმაზე, რომ ირანელებმა უფრო მოქნილი პოზიცია დაიკავონ, რომელიც ბირთვულ პროგრამასთან დაკავშირებით აშშ-ის მოთხოვნებს გაითვალისწინებს.
