შეერთებულ შტატებთან ომის დასრულების შესახებ ირანის განახლებული წინადადება ითვალისწინებს 30-დღიან ვადას ჰორმუზის სრუტის გახსნასა და აშშ-ის მიერ ირანის პორტების ბლოკადის დასრულებაზე მოლაპარაკებებისთვის. ამის შესახებ Axios-ის ჟურნალისტმა ბარაკ რავიდმა პლატფორმა X-ზე განაცხადა.

ირანის გეგმის შესახებ ინფორმირებული ორი წყაროს ცნობით, თეირანი ვაშინგტონს ჰორმუზის სრუტის გახსნის, აშშ-ის საზღვაო ბლოკადის დასრულების და ირანსა და ლიბანში ომის საბოლოოდ დასრულების შესახებ მოლაპარაკებებისთვის ერთთვიან ვადას სთავაზობს.

წინადადების თანახმად, მხოლოდ ასეთი შეთანხმებების მიღწევის შემდეგ უნდა დაიწყოს ერთთვიანი მოლაპარაკებები, რომლის დროსაც მხარეები უნდა შეეცადონ, ირანის ბირთვულ პროგრამაზე შეთანხმებას მიაღწიონ.

აშშ-ის პრეზიდენტმა დონალდ ტრამპმა განაცხადა, რომ ის ომის დასრულების საკითხზე ირანის წინადადებების ზუსტ ფორმულირებას ელოდება, თუმცა არ ფიქრობს, რომ ისინი მისაღები იქნება.

🇮🇷🇺🇸According to two sources briefed on the Iranian proposal, it sets a one-month deadline for negotiations on a deal to reopen the Strait of Hormuz, end the U.S. naval blockade and permanently end the war in Iran and in Lebanon
🇮🇷🇺🇸Per the Iranian proposal, only after such a… https://t.co/6YoZDNWsC9

— Barak Ravid (@BarakRavid) May 3, 2026